स्वधा स्तोत्र | पितृ स्तोत्र | Swadha Stotra | Pitri Paksha Stotra #pitrupaksha @Mere Krishna <br /><br />#pitrupaksha #pitrapaksha #pitradoshnivaran #pitradev #shraddhpaksh #shraddha #श्राद्ध #श्राद्धपक्ष #पितृपक्ष #पितृ_पक्ष <br /><br />स्वधास्तोत्रम् <br /><br />ब्रह्मोवाच -<br />स्वधोच्चारणमात्रेण तीर्थस्नायी भवेन्नरः ।<br />मुच्यते सर्वपापेभ्यो वाजपेयफलं लभेत् ॥ १ ॥<br /><br />स्वधा स्वधा स्वधेत्येवं यदि वारत्रयं स्मरेत् ।<br />श्राद्धस्य फलमाप्नोति कालतर्पणयोस्तथा ॥ २ ॥<br /><br />श्राद्धकाले स्वधास्तोत्रं यः शृणोति समाहितः ।<br />लभेच्छ्राद्धशतानाञ्च पुण्यमेव न संशयः ॥ ३ ॥<br /><br />स्वधा स्वधा स्वधेत्येवं त्रिसन्ध्यं यः पठेन्नरः ।<br />प्रियां विनीतां स लभेत्साध्वीं पुत्रं गुणान्वितम् ॥ ४ ॥<br /><br />पितॄणां प्राणतुल्या त्वं द्विजजीवनरूपिणी ।<br />श्राद्धाधिष्ठातृदेवी च श्राद्धादीनां फलप्रदा ॥ ५ ॥<br /><br />बहिर्मन्मनसो गच्छ पितॄणां तुष्टिहेतवे ।<br />सम्प्रीतये द्विजातीनां गृहिणां वृद्धिहेतवे ॥ ६ ॥<br /><br />नित्यानित्यस्वरूपासि गुणरूपासि सुव्रते ।<br />आविर्भावस्तिरोभावः सृष्टौ च प्रलये तव ॥ ७ ॥<br /><br />ॐ स्वस्ति च नमः स्वाहा स्वधा त्वं दक्षिणा तथा ।<br />निरूपिताश्चतुर्वेदे षट्प्रशस्ताश्च कर्मिणाम् ॥ ८ ॥<br /><br />पुरासीत्त्वं स्वधागोपी गोलोके राधिकासखी ।<br />धृतोरसि स्वधात्मानं कृतं तेन स्वधा स्मृता ॥ ९ ॥ <br /><br />इत्येवमुक्त्वा स ब्रह्मा ब्रह्मलोके च संसदि । <br />तस्थौ च सहसा सद्यः स्वधा साविर्बभूव ह ॥ १० ॥ <br /><br />तदा पितृभ्यः प्रददौ तामेव कमलाननाम् । <br />तां संप्राप्य ययुस्ते च पितरश्च प्रहर्षिताः ॥ ११ ॥ <br /><br />स्वधा स्तोत्रमिदं पुण्यं यः शृणोति समाहितः । <br />स स्नातः सर्वतीर्थेषु वेदपाठफलं लभेत् ॥ १२ ॥ <br /><br />स्वधास्तोत्रं सम्पूर्णम्
